ان كان طال الوضع يا غزة الخير...عيبٍ على الرجال يلبس عمامه..

بسم الله الرحمن الرحيم..

السلام عليكم ورحمة الله وبركاته...
عجبتني هذه الابيات فحبيت انقلها لكم واتمنى تعجبكم...

توافدي يا هموم راسي طوابير
........... وانا برحب فيك عقب السلامه

اهلا هلا مع جيتك فكري بخير
...........يبدع طورايق القهر والرخامه

شيٍ يصير وشي لا يمكن يصير
...........وشيٍ اذا ما صار قلنا علامه

غزّه تصيح من البلا تالي عصير
...........وحنا مع (الاخضر) وش الي امامه

يموت تسع إميه وباقي على السير
...........ونفرح اذا ناول (كريري) (اسامه)

(حماس) يشذب (فتح) والمسأله غير
...........و(عباس) يستنكر فعايل (عمامه)

يقول نطمع يالرجال المناعير
...........والشعب واجد توهم يا نشامه

الخاين الغدار يجني دنانير
...........والناس ترجي فزعته واهتمامه

عميل للي قتّلوا بالشراشير
...........زابن ذراهم واحتموا له عظامه

وش فايدة (حنّا عرب) يا مقادير
...........وش فايدة غصنٍ تعضه حمامه

وش فايدة يا هووووه صف الطوابير
...........واليا احتمى الموقف غدينا نعامه

عد الحمامه صادها بالسما طير
...........والغصن يبّس والدهر له كلامه

وش باقي نسوي بذا الوضع يا منير
...........الحل واضح والصقر له علامه

فينا شجاعة (عنتر) و (سالم الزير)
...........وفينا رجالٍ غير (خالد سلامه)

ان كان طال الوضع يا غزة الخير
........... عيبٍ على الرجال يلبس عمامه